Berbots

Kaixo, lagunok!

Urtero abendu amaieran elkartu ohi gara Altzagako kaleetan antolatu ohi dugun bertso jiran. Kalez kale gabiltza bertsolariek eta musika-taldeek lagunduta, eta giro paregabean urte zaharra bertsoz agurtzen dugu, eta datorrenari ongi etorria egiten diogu.

Aurten ezin izango dugu bertso jirarik egin, baina BERTSO SAIO itzela antolatu dugu! Elkarrekin arratsalde pasa ederra egiteko.

NOIZ?

Abenduak 19, larunbata

ORDUA?

Arratsaldeko 18:00etan

NON?

Irailaren 23a plazako karpan

GONBIDAPENAK: berbots@gmail.com / 621 270 546

Elkarrekin euskara bizi, erabili!

Badago martxan Erandioko Berbalagun egitasmoa!

Eta... Zer da Berbalaguna? Euskaraz hitz egiteko ohitura dutenak eta mintzapraktika behar duten pertsonak batzeko egitasmoa da. Era berean, ohitura galdu eta euskara bizi eta erabili nahi duten lagunek ere izena eman dezakete.

Zertarako? Euskara hobetzeko; gehiago, gehiagorekin eta gehiagotan erabiltzeko; euskaraz bizitzeko; Erandio euskalduna sortu, indartu eta zabaltzeko...

Nola? Astean behin talde txikitan elkartuko gara, ordubeteko saioetan, kafetegian, paseoan... Gainera, beste Berbalagun taldeekin batera ekintza osagarrietan parte hartzeko aukera ere izango dugu.

IZENA EMATEKO BIDEAK:

e-postaz: berbalagunerandio@gmail.com
telefonoz: 621 270 546
online galdetegia: labur.eus/berbalagunerandio

Animatu eta eman izena Erandioko Berbalagunean!

San Agustin jaietako bertso saioa

Aurten bizi dugun egoera arraro honek ez gaitu utzi Kanpomartxo behar bezala ospatzen, eta denok genituen planak eta asmoak bertan behera geratu dira, edo atzeratu... Hala ere, betiko ohiturari eutsi nahi izan diogu, eta San Agustinetako bertso saioa mantendu dugu.

Igande honetan, abuztuak 30, arratsaldeko 18:00etan Erandioko udaletxeko plazan elkartuko gara, Julio Soto, Iker Zubeldia, Alaia Martin eta Inazio Vidal bertsolariekin eta Beñat Vidal gai-jartzailearekin. Gomendagarria da 17:30ean egotea, apurka-apurka denok sartzeko.

Aforo mugatua dela eta, hobe da izena ematea zapatua baino lehen, berbots@gmail.com email helbidera idatziz edo 621 270 546 telefonora deituz, eta zehaztu zenbat lagun etorriko zareten. Igandean bertan zenbakiak banatuko dizkizuegu, dagokizuen aulkian jesartzeko... Eta gogoratu maskara erabiltzea derrigorrezkoa dela ;)

Igandera arte, eta Gora San Agustin jaiak!

Ikasturteari elkarrekin amaiera emateko...topa egin dezagun!

Apurka-apurka, ikasturtea amaitzen doa, eta amaiera ederra emateko, bi ekintza proposatu nahi dizkizuegu:

Ekainaren 24an, asteazkena, arratsaldeko 18:30ean, mintzodromoa. Euskal Herri osoko Berbalagunak ezagutu ahal izateko aukera paregabea! Jitsi Meet baliatuz, berbalagunak elkartzeko eta euskaraz gozatzeko esperientzian parte hartzera gonbidatzen zaitugu. Taldeak osatuko ditugu Jitsiko geletan, proposatutako gai batzuen inguruan hitz egiteko, eta amaieran denok Jitsi Meet gela berean elkartuko gara eta topa egingo dugu ikasturteari amaiera emateko. Hementxe duzue izena emateko esteka: labur.eus/mintzodromoa
Ekainaren 25ean, osteguna, arratsaldeko 18:30ean, ardo-dastaketa. Ardo-sorta bat bidaliko dizuegu etxera, eta online ardo-dastaketan parte hartuko duzu, enologo batek gidatua, modu birtualean. Aukeratutako 3 ardoekin eta dastaketaren informazioarekin, dastaketan osatzeko fitxak eta kutxatila bat (Wine Pack) zure etxean jasoko duzue. Hementxe duzue izena emateko esteka: labur.eus/ardo-dastaketa Ardoak, egokitutako kutxatila eta informazioa eta bidalketa: 29 €.

Berbalagunak sarera saltoa eman du!

Aurrez aurre elkartzeko aukera ez dugun garai honetan, mintzapraktika sarean egiteko aukera eskaini nahi dizuegu: MintzalagunON sarea.

Teknologia berriak baliatuz, bidelariak zein bidelagunak elkartzeko eta euskaraz gozatzeko esperientzia parte hartzailera gonbidatzen zaituztegu.

Etxealdian ere , mintzapraktika saioak martxan daude; parte hartu!
https://mintzalaguna.topagunea.eus/mintzalagunon-sarea/

KANPOMARTXO 2020 ATZERATUTA

2019KO EUSKARAREN EGUNA

Hauxe da 2019ko Euskararen Egunari begira Erandion antolatu diren ekintzak:

Azaroak 29, barikua, Erandiogoikoan askotariko ekintzak, eta bertso afaria egunari amaiera ederra emateko
Abenduak 1, domeka, Astrabuduan trikipoteoa eguerdian
Abenduak 3, martitzena, Altzagan berbodromoa goizez, eta ekitaldi nagusia arratsaldez

Bertan Erandioko euskaltzaleen sarea egingo dugu Erandioko elkarte guztien sareak batuz. Zelan doa zuen sarea? Eginda duzue dagoeneko? Buruan daukazue zelan egin? Ideien bila zabiltzate? Parte hartzera animatuko bazarete, jakinarazi, zenbat sare izango ditugun jakiteko. Edota oraindik sarea ez baduzue egin, ahal dugun heinean laguntzeko.

Sare horretan norbanakoen desio eta bizipenak eskegiko ditugu. Elkarte bakoitzak bere sarean ekarri ditzake erantsiak, ahal dela. Egunean bertan ere, aukera egongo da, norbanako moduan ere parte hartzeko eta paperak eskegitzeko.

Paperak, astelehenetik aurrera, Altzagako liburutegian, Josu Muruetan edo Erandiogoikoako gizarte etxean eta Euskara Zerbitzuan eskura izango dituzue.

Bide batez, antolaketarako azkenengo bileraren gonbitea luzatzen dizuegu:

Eguna: azaroak 27, asteazkena

Ordua: 19:30ak

Lekua: Udaletxeko arkupetan, HAPO (PGOU) gelan

TUtik GUra Ongi Etorri Erandioko Berbalagunon Mundura!

TUtik GUra Ongi Etorri Erandioko Berbalagunon mundura!

Zer da Berbalaguna? Euskaraz hitz egiteko ohitura dutenak eta mintzapraktika egin nahi dutenak biltzeko programa da; euskara hobetzeko, gehiagotan erabiltzeko, euskaraz bizitzeko...

Astean behin, ordubetez, talde txikietan elkartuko gara paseoan, kafetegian, parkean... Eta ekintza osagarriak ere egingo ditugu :)

Eman izena! labur.eus/berbalagunerandio

Informazio gehiago: berbalagunerandio@gmail.com / 621 270 546

Erandioko egitaraua-EUSKARALDIA

NARRU IKASTAROA

NARRU IKASTAROA

Izena emateko epea zabalik, plaza mugatuak.

BERBALAGUN 2018-2019 IZEN EMATEA ZABALIK!!

Zer da berbalaguna?

Euskaraz hitz egiteko ohitura dutenak eta mintzapraktika egin nahi duten pertsonak biltzeko programa da.

Euskara hobetzeko, gehiagotan erabiltzeko, euskaraz bizitzeko, normalizazioaren alde egiteko, ingurune euskaralduna sortu, indartu eta zabaltzeko…

Astean behin; ordubetez, talde txikitan. Paseoan, kafetegian, parkean…Euskaraz hitz egiteko ohitura dutenak eta mintzapraktika egin nahi dutenak elkartuta, gainontzeko mintza-taldeekin koordinatuta.

Ekintza osagarriak: herriko gainontzeko Berbalagun taldeekin irteerak, afariak, kirol edo kultur ekintzak…

…eta gurasolaguna?

Ikastetxeko gurasoak biltzen dituen berbalagunaren aldaera da. Haurrak direla eta, euren ordutegi eta zaintza beharretara egokituta dago.

Izen ematea: berbalagunerandio@gmail.com

94.489.01.28

On-line beheko linka sakatuz gero

IZEN EMATE FITXA

BERBOTS-LAGUNEN EGUNA

Urriak 7, domeka Udaletxe Plazan

2018ko BERBOTS-LAGUNEN eguneko Argazkiak ikusgai

XXV. KAMPOMARTXO

APIRILAK 20, 21 eta 22

25. urte dira Kanpomartxo ospatzen hasi ginetetik.

Kanpomartxoren hitz gakoak euskara, kultura eta Erandioko herria dira.

Erandioko herrian berebiziko tokia duen jai herrikoi honek, BERBOTS Erandioko euskaltzaleen topaguneak beste erakunde, eragile eta lagunen lankidetzarekin egiten du.

Kanpomartxok 25 urte beteko dituela eta ospakizun bereziak izango ditugu, ostiraletik igandera. Jai nagusia, betiko formatoan, Akarlanda parkean izango da apirilaren 22an.

GORA KANPOMARTXO!!