Bazkidetza kanpaina





Berbotsen erronka: bazkidetza kanpaina berria













Berboskidea izan nahi baduzu, ondoko fitxategi honetan dagoen bazkidetza orria deskargatu, inprimatu, bete eta postaz bidali. 



E-mailez bidali nahi baduzu, bete ondoren eskaneatu eta berbots@gmail.com helbidera bidali (orriak sinatuta egon behar dira).



Gure helbidea: Berbots Erandion Euskaraz! 155 Posta Kutxa 48950 Erandio (Bizkaia) 








2016ko Kanpomartxo


AUTOBUSA ERABILI







Erandiotik nindoan apiril
partean nire 'lambretan'
jai giroa entzun nuen bertako
auzo txiki polit batean
hurbildu nintzen ta nire burura
etorri ziren, bat-batean,
amomak esana ospatzen zutela erandioztarren artean.

Astrabudua, Asua, Altzaga, Goierri, Lutxana eta goikoa
Martiartu, Enekuri, Arriaga eta Santimami Kanpomartxora

KANPOMARTXO JAI EUSKALDUNA
KANPOMARTXO JAI HERRIKOIA
KANPOMARTXO BERBOTSEN NAHIA
ERANDION EUSKARAZ

Otarteko ta ardoak laguntzen
zituzten bertsolariak
Dantzari ta trikitixak alaitzen
zituzten mahaigainekoak
Amomatxo eta haurtxoak jolasten
zebiltzan erromerian
Algaraka ibiltzen ziren erandioztarrak
euskara hutsean

Astrabudua, Asua, Altzaga, Goierri, Lutxana eta goikoa
Martiartu, Enekuri, Arriaga eta Santimami Kanpomartxora

KANPOMARTXO JAI EUSKALDUNA
KANPOMARTXO JAI HERRIKOIA
KANPOMARTXO BERBOTSEN NAHIA
ERANDION EUSKARAZ

Kanpomartxoko flashmob-erako koroegrafia





Ikasi eta parte hartzen animatu!!

Estatuen esku-hartzea gelditu!




ESPAINIAKO GOBERNUAREN ESKU-HARTZEA SALATZEKO ELKARRETARATZEAK DEITU DITU KONTSEILUAK

Espainiako Gobernuak EAEn duen ordezkari Carlos Urkijoren bidez euskararen normalizazioa galgatzeko abiatutako erasoaldia salatu nahi dugu. Izan ere, joan den abenduan onartutako Euskararen Erabilera Plana bidaltzeko eskatu dio Erandioko Udalari, beste hainbat erakunderi jarritako traben bide beretik. Horregatik, herritarrei dei egiten diegu apirilaren 9an, asteazkenean, euskararen normalizazioa helburu duten neurriak babesteko eta Estatuen esku-hartzea salatzeko egingo diren elkarretaratzeetan parte hartu dezaten.
Kontseiluko idazkari nagusiak azaldu duenez, "udalek euskararen normalizazioan aurrera egiteko hartu dituzten neurriak, herritarron eskubideak bermatzeko urratsak dira eta zentzu horretan herritarroi ere badagokigu neurri horiek babestu eta kanpo esku-hartzea salatzea. Horretarako, Espainiako Gobernuak EAEn duen ordezkari Carlos Urkijoren mehatxu eta salaketak jaso dituzten udalerrietan elkarretaratzeak egingo ditugu apirilaren 9an".
Kontzentrazioak herrietako Udaletxe aurreko plazetan egingo dira "Estatuen esku-hartzea gelditu" lelopean eta lelo hori irudikatzeko eskuak koloretako margoekin busti ondoren, gelditzeko keinua egingo zaie Estatuei.
Herritarrak egunerokoan euskaraz bizitzeko hautua egiten jarraitzera animatu ditu Kontseiluko ordezkariak eta instituzioak euskaraz bizi gaitezen neurriak hartzera. "Guk, euskalgintzak, hizkuntza-politika eraginkorrak ezartzeko bidean urratsak ematen dituztenak babesten jarraituko dugu. Ondoan izango gaituzte".

Izan zaitez Berbalaguna!!

Berbalagun ekimenaren kanpainia berriari ekingo diogunez, parte hartzera gonbidatzen zaitugu.
Gurekin harremanetan jartzeko ondoko formulario hau bete eta bidali, mesedez:

Formularioa

Animatu eta parte hartu!!

Berbots Erandion Euskaraz!!

 

Berbots Erandion Euskaraz!

Erandioko euskaldunei euskaraz egiteko aukera emateko sortu zen. Bere helburua ekitaldiak antolatzea da, euskaldunon topagunea izateko.
Berbalagun
Euskalduntze prozesuan dagoen jendearen behar garrantzitsu bat asetzea du helburu: euskara egunerokotasunean erabiltzea.  Informazio guztia goiko estekan.



Erandioko Udalak eta Bizkaiko Foru Aldundiak babestutako ekimenak